----حبة خلاف--
بينى وبينك مش عداوة
المسالة حبة خلاف
ممكن فى قعدة وبالهداوة
نتدفا وبنقس اللحاف
لو زيحنا يوم عنا الغشاوة
ودورنا عن سبب الخلاف
وجهات نظر وما هيش غباوة
طول عمرنا قلوبنا نضاف
لو فكرتك عجباك براوة
وانا فكرتى زى الخشاف
رايك سديد محتاج حلاوة
انى اوافقك ولا نيش اخاف
طول عمرنا اخوة وجيران
وكبرنا فى نفس المكان
ولعبنا كورة كتير زمان
ايه الجديد وايه اللى كان
علشان مافيه بينا خلاف
فى الراى بس بقيت عميل
اخوان وتلعن سنسفيل
وليه لسانك بقى طويل
الدنيا لو يوم مطرت ومطر تقيل
فى البيت بعاونك وتعاونى بالقليل
فينا القوى كان للضعيف بيشيل
الكيل ما بينا نخدم فى العليل
ارعاه فى صبحى وانته فى ليل
حبة خلاف فى الراى يقلبوا المكاييل
يا الف حسرة والف ويل
لو كنت خاين قل ايه عندك دليل
للعشرة صاين عودى واصيل
حبة خلاف فى الراى والتاويل
ما هيش عداوة او تنكيل
الصف واحد فى الصلاة يا خليل
والشهر واحد للصيام يا قابيل
والرب واحد والحساب بدليل
ولا هيه زفة وكتر فيه التطبيل
بقلم الشاعر:مصطفى قمر
تسلم ايديك ودايما فى تقدم ان شاء الله
أبو خالد
شارك الموضوع **ع الفيس او تويتر اوجوجل
ليصل صوتنا لكل الناس
شكراا لاهتمامكم
ليست هناك تعليقات:
إرسال تعليق